Nuk janë të pakta rastet në Podujevë kur qytetarët rrezikohen nga shtyllat elektrike jo të rregullta. Këtë herë qytetarët që rrezikohen më së shumti janë ata të cilët kalojnë në rrugën “Bedri Bajrami”, pasi shtylla elektrike mezi mbahet për shtyllën tjetër.
Ani pse kjo shtyllë nuk duket të jetë funksionale, ajo prapë paraqet rrezik. Shtylla mund ta lëndoj dikë në rast rrëzimi.
Kjo shtyllë në këtë gjendje siç po shihet në fotot e siguruara nga poralit “Llapi.info” gjendet në rrugën “Bedri Bajrami” përball Qendrës së Kulturës në Podujevë.
Llapi.info edhe më parë kishte raportuar për atë se si shtyllat elektrike në gjendje jo të rrëgulltë rrezikojnë jetën e qytetarëve në Podujevë./Llapi.info
