Policia e Kosovës raporton se dje në ora 13:50 në fshatin Dumnicë të Podujevës është gjetur një grantatë dore nga një banor derisa ishte duke punuar në arën e tij.
Njësiti policor ka bërë sigurimin e vendit të ngjarjes, ndërsa njësiti për deminim i FSK-së ka bërë tërheqjen e mjetit në mënyrë të kontrolluar, thuhet në njoftimin e Policisë së Kosovës, përcjell Llapi.info.
Policia nuk ka raportuar për ndonjë incident.
Poashtu, Policia e Kosovës ka njoftuar për një lëndim trupor në rrugën “Zahir Pajaziti” në Podujevë në ora 21:03, ku pas një mosmarrëveshje tre të dyshuar meshkuj K/Shqiptarë kanë sulmuar fizikisht dhe me thikë viktimën mashkull K/Shqiptar, lëndime trupore ka pësuar viktima po ashtu edhe të dyshuarit. Të gjithë të lënduarit janë dërguar në tretman mjekësor.
Ndërsa, në rrugën “Liria” në Podujevë, policia njofton se në ora 11:40 në bazë të urdhëresës së lëshuar nga Gjykata Themelore në Prishtinë është arrestuar një mashkull K/Shqiptar dhe i njëjti është dërguar në vuajtje të dënimit./Llapi.info
