Vozitësi dhe tre pasagjerë kanë mbetur të lënduar si pasojë e një aksident trafiku që ka ndodhur sot në ora 14:07 minuta në rrugën “Zahir Pajaziti” në Podujevë, në afërsi të postës së qytetit. Lajmin për portalin Llapi.info e ka konfirmuar Antigona Çitaku-Dibrani, Zyrtare për Informim në Policinë e Stacionit të Podujevës.
Sipas Çitakut, në aksident kanë qenë të përfshira dy vetura, njëra “Passat” ngjyrë e kaltër dhe tjetra “Shkoda Oktavia” e firmës “Taxi Llapi”.
“Vetura “Passat” fillimisht ka ikur nga vendi i ngjarjes, por më pas është gjetur nga policia”, ka thënë Çitaku për Llapi.info.
Ndërsa, mjeku kujdestar në Qendrën Emergjente në Podujevë ka thënë për Llapi.info se personat e lënduar kanë marrë lëndime të lehta trupore. Të lënduarit pas kontrollit janë liruar për në shtëpi./Llapi.info
