Policia e Kosovës ka njoftuar se dje në ora 11:20 është raportuar se në një shkollë të Podujevës është gjetur dhe konfiskuar një pistoletë e tipit Ekol Tuna kalibri 8mm.
“Raportohet se në një shkollë te i dyshuari mashkull K/Shqiptar (nxënës i shkollës) është gjetur dhe konfiskuar një pistoletë e tipit Ekol Tuna kalibrit 8mm. Me vendim të prokurorit rasti shkon në procedurë të rregut”, thuhet në raportin 24-orësh të Policisë së Kosovës.
Policia nuk ka bërë të ditur emrin e shkollës ku është gjetur arma.
Llapi.info ditë ma parë kishte raportuar për një rast të gjetjes dhe konfiskimit të një arme në një shkollë të Podujevës tek një i mitur./Llapi.info
