Tualetet e shkollës fillore “Hamit Sejdiu” në fshatin Kërpimeh të Podujevës janë në gjendje të mjerueshme, edhe pse shkolla nuk i ka më shumë se pesë ose gjashtë vite kur është ndërtuar. Gjendja e mjerushme e tualeteve të kësaj shkolle mund të shihet në fotot të cilat kanë arritur në redaksi të portalit “Llapi.info”.
Sipas lexuesit që i ka dërguar fotot, mësimin në këtë shkollë e vijojnë nxënësit nga klasa e parë deri në të nëntën (nga dy paralele për secilën klasë).
Një gjendje e tillë e tualeteve paraqet rrezik që fëmijët të cilët vijojnë mësimin në këtë shkollë të infektohen nga ndonjë sëmundje./Llapi.info
