Në fshatin Dobratin të Komunës së Podujevës, rreth 180 shtëpi kanë mbetur pa energji elektrike tash 4 ditë.
Përkundër kërkesave të banorëve në KEDS, për të ndërruar transformatorin e dëmtuar dhe të vjetër, kërkesa e tyre nuk është përfillur, raporton televizioni publik.
Njëri nga banorët e këtij fshati tha se përveç ndaljes së energjisë elektrike për disa ditë, furnizimi me energji edhe në gjendje normale është i dobët.
Madje, ai tha se në shitoren e tij janë prishur frigoriferët mu për këtë arsye dhe për këtë përgjegjësi nuk ka marrë askush.
“S’ka mbet tjetër gjë, përveçse me u tërhjek nga fshati”, tha një banor tjetër.
