Dje ka ndërruar jetë viktima mashkull K-Shqiptar, i cili me datën 26 prill 2016 në ora 21:19 në Rr. “Skëndërbeu” në Podujevë është goditur nga i dyshuari mashkull K-Shqiptar i cili po drejtonte veturën VW Golf 5, njofton Llapi.info.
Lajmi është bërë i ditur nga Policia e Kosovës në raportin 24-orësh.
Sipas policisë, deri te aksidenti kishte ardhur për shkak të pakujdesisë së shoferit dhe mospërshtatjes së shpejtësisë së lëvizjes me kushtet e rrugës, me ç’rast këmbësori-viktima mashkull K-Shqiptar, kishte marrë lëndime të rënda trupore dhe ishte dërguar në QKUK-Prishtinë për tretman mjekësor. Ai dje nga lëndimet e marra ka ndërruar jetë.
Me urdhër të prokurorit trupi i pajetë është dërguar në IML për obduksion, ndërsa i dyshuari është arrestuar dhe i njëjti dërgohet në mbajtje./Llapi.info
