Xhef Mehmeti nga Podujeva së bashku me shoqërinë e tij ka grumbulluar 6 mijë euro për operimin e voglushit 3-muajsh, Argjend Latifit nga fshati Metehi e Podujevës, njofton Llapi.info.
Xhef Mehmeti ishte i pari ai i cili e kishte filluar inciativën për grumbullimin e mjeteve për operimin e Argjendit. Ai ka treguar në detaje për Llapi.info ecurinë e aksionit.
“Në bazë të videos të publikuar nga Klan Kosova, e bëra një postim në Facebook, që nëse më bashkangjiten dy-tre veta të e marrim një inciativë për ta ndihmuar këtë familje… Kam kërkuar nga shokët në Facebook që në komente tek videoja që kam publikuar të shenojnë shumën që do të japin në mënyrë që gjithçka të jetë më transparente”, ka thënë Mehmeti për Llapi.info
Ai ka treguar se në natën e parë të aksionit ka grumbulluar 1850 euro. “Në mëngjes e kam thirrur babin e Argjendit dhe i kam treguar se njerëzit kanë shprehur vullnet për t’i ndihmuar. Ai më ka falenderuar dhe ka kërkuar që t’i dalin në ndihmë. Deri në mbrëmje kam arritur me i ba 2700 euro (të gjitha të hollat të konfirmuara në komente të videos). Aksioni ka vazhduar deri në orën 03:00 të mëngjesit dhe kam arritur shumën prej 3815 euro”, ka treguar Xhef Mehmeti.
Ai ka treguar se atë natë u ka kërkuar shoqërisë që të grumbullohen 4 mijë euro, gjë e cila është arritur.
Xhef Mehmeti ka treguar për Llapi.info se këtij aksioni i është bashkangjitur edhe një grup nga Prizreni. “Më është lajmëruar një njeri nga Prizreni i cili së bashku me disa shok të tij kishin mbledhur 2000 euro, shumë të cilën ma kanë dorëzuar mua. Shumë përfundimtare që është grumbulluar nga aksioni im është 6000 mijë euro”, ka shtuar Mehmeti.
Sipas informatave që ka marrë Xhef Mehmeti nga familjarët e Argjendit shuma për operimin e Argjendit është arritur.
“Sonte në mbrëmje besoj se do të përfundoj aksioni dhe do të dal publikisht me listën e gjithë atyre që kanë kontribuar në këtë aksion humanitar”, ka thënë në fund Mehmeti./Llapi.info
Llapi.info u sjell disa nga momentet e zhvillimit të këtij aksioni:
