16 vjet pas përfundimit të luftës në Kosovë, ende nuk dihet për fatin e 99 fëmijëve, që evidentohen si të pagjetur, derisa, 222 fëmijë konsideroheshin të zhdukur menjëherë pas luftës.
Kryetar i Shoqatës së Personave të Pagjetur “Përkorë” në Podujevë, Lutfi Mehmeti, ka treguar se që nga vitit 1999 e këtej, sipas shënimeve që posedojnë organizatat dhe shoqatat e ndryshme, viktima të luftës në Kosovë janë 1 mijë e 5 fëmijë të moshave të ndryshme.
“Menjëherë pas luftës 222 fëmijë konsideroheshin të zhdukur, ndërsa edhe tash, 16 vjet pas përfundimit të saj, ende nuk dihet për fatin 99 fëmijëve që evidencohen si të pagjetur. Deri tash nëpër varrezat masive në Serbi janë gjetur trupat e 42 fëmijëve. Në varrezën Nr.1 në Batajnicë të Serbisë janë gjetur mbetjet mortore kryesisht të grave dhe të 9 fëmijëve”, ka treguar Latifi.
Ai ka thënë se gjatë gërmimeve në Rudnicë të Rashkës, vitin e kaluar, një eskavator kishte nxjerr trupat e dy fëmijëve.
“Kjo kishte bërë që të konstatohej se aty ekzistonte një varrezë masive me mbetjet mortore te shqiptare të zhdukur në Luftës në Kosovë, ku edhe filluan gërmimet për gjetjen e kufomave të tjera. Identifikimi i varrezave masive dhe zbardhja e fatit të afër 170 personave të pagjetur vazhdon të mbetet njëra nga plagët më të rënda të luftës së fundit në Kosovë”, ka shturar Mehmeti./llapi.info
