Pas publikimit të orarit nga Federata e Futbollit të Kosovës për sezonin 2016- 17 se Raiffaisen Superliga e Kosovës do të filloj më 20 Gusht 2016, janë bërë publike edhe përballjet në mes ekipeve të Superligës gjatë sezonit vjeshtorë.
Ekipi i vetëm nga Podujeva, që garon në elitën e futbollit në Superligën e Kosovës, që në fillim të sezonit do të ketë përballje të forta, transmeton Llapi.info.
Që në xhiron e parë për këtë sezon do të ketë derbi, KF Llapi do të luaj si mysafir i Prishtinës në stadiumin e kryeqyteit.
Mirëpo, për bardh e kaltërit nga Podujeva edhe java e dytë do të jetë e nxehtë. Ata, do të presin në shtëpi FC Trepçën nga qyteti i Mitrovicës. Teksa, në javën e tretë të Raiffaisen Superligës së Kosovës, FC Llapi do të udhëtoj për në Gjilan ku edhe do të përballet me FC Dritën.
Përballjet tjera se me kë do të përballet FC Llapi gjatë këti sezoni futbollistik mund t’i shihni në fotografinë më poshtë./Llapi.info
