Një aksident trafiku ka ndodhur sot rreth orës 17:00 në kilometrin e parë të magjistrales Podujevë-Prishtinë, përkatësisht në udhëkryqin te Hotel “Besiana”, njofton Llapi.info.
Lajmin për aksidentin e ka konfirmuar zëdhënësja për Informim e Stacionit Policor në Podujevë, Antigona Çitaku, sipas të cilës nga ky aksident nuk ka të lënduar.
“2 vetura janë aksidentuar në aksidentin në fjalë. Në këtë veturat e aksidentuara kanë pësuar dëme materiale, ndërsa nuk ka lëndime në njerëz”- tha Çitaku për Llapi.info.
Ndryshe, vendi ku ka ndodhur ky aksident është njëri ndër vendet ku më së shpeshti ndodhin aksidente në komunën e Podujevës./Llapi.info
