Tre persona janë arestuar dje në Fshatin Shakovicë të Podujevës të dyshuar për transportim të substancave narkotike, blerje, posedim, shpërndarje dhe shitje të paautorizuar të narkotikëve si dhe substanca psikotrope dhe analoge, thuhet në komunikatën e Policisë së Kosovës, transmeton Llapi.info
Policia e Kosovës, konkretisht Drejtoria për Hetimin e Trafikimit me Narkotikë në bashkpunim me Drejtorinë për Hetimin e Krimit të Organizuar, kanë arrestuar tre persona të dyshuar kurse një tjetër sipas PK- së është në arrati.
Njëri nga tre personat e dyshuar është pjestar i Policisë së Kosovës, njofton Llapi.info
Në këtë operacion, të arrestuar janë personat me iniciale si në vijim:
• G. D. lindur me 1974 m/sh/k
• Sh. H. lindur me 1968 m/sh/k
• A. H. lindur me 1970 m/sh/k
“Ndaj të dyshuarve me vendim të prokurorit është caktuar ndalimi prej 48 orëve, për të vazhduar me procedura të mëtutjeshme ligjore” thuhet në këtë kominikatë./Llapi.info
