Deputeti Agim Veliu, e ka kujtuar ish-presidentin, Ibrahim Rugova, në ditëlindjen e këtij të fundit.
Në një fotografi të përbashkët të shkrepur menjëherë pasluftës, Veliu thotë se ndihet krenar që i përket epokës së Ibrahim Rugovës.
Ai ka vlerësuar lartë figurën dhe kontributin e Rugovës.
Shkrimi i plotë:
Në 80 vjetorin e lindjes, kujtojmë prijësin tonë të madh dhe atin themeltar të shtetit të Kosovës dhe Lidhjes Demokratike të Kosovës, Dr.Ibrahim Rugovën.
Çfarëdo që të thuhet për Rugovën është e paktë dhe mund t’i hyjmë në hak. Prandaj për ta përshkruar figurën e prijësit historik të shqiptarëve, po e përdor një thënie të shkrimtarit francez Viktor Hygo, për mendimtarin e madh Volterin: “Ai ishte më shumë se njeri, ai ishte një epokë”.
Krenar që isha pjesë e epokës së Ibrahim Rugovës.
