Një aksident trafiku ka ndodhur sot rreth orës 14:50 në rrugën “Epopeja e Jezercit” në Ferizaj, ku janë përfshirë dy automjete, njëra me targa vendore dhe tjetra me targa të huaja.
Sipas zëdhënësit të policisë, Kanun Veseli, si pasojë e aksidentit tre persona kanë pësuar lëndime trupore.
Të lënduarit kanë marrë trajtim mjekësor në Qendrën Emergjente të qytetit dhe më pas janë liruar për në shtëpi.
Policia po vazhdon hetimet për të sqaruar rrethanat e këtij incidenti.
