Një aksident trafiku ka ndodhur sot rreth orës 16:00 në magjistralen Prishtinë – Podujevë, përkatësisht në fshatin Vranidoll, raporton Llapi.info.
Në këtë aksident, sipas dëshmitarëve që kanë dërguar pamje në Llapi.info janë përfshië një veturë dhe një traktor.
Si pasojë e këtij aksidenti janë krijuar kolona të gjata në këtë magjistrale, derisa sipas lexuesve, pritjet kanë qenë mbi 1 orë e gjysmë.
Përveç dëmeve materiale, në këtë aksident nuk ka persona të lënduar. Kështu ka thënë për Llapi.info edhe zëdhënësi i Policisë së Kosovës, Bajram Krasniqi.
“Një aksident trafiku ka ndodhur rreth orës 16:00 në Vranidoll. Nuk ka persona të lënduar”, ka thënë ai, teksa ka shtuar se ekipet kompetente policore kanë dalë në vendin e ngjarjes.
Ndërkohë, sipas statistikave ditore të PK-së, vetëm dje në Kosovë kanë ndodhur 49 aksidente trafiku, 22 prej tyre kanë përfunduar me persona të lënduar./Llapi.info
