Një aksident trafiku ka ndodhur sot rreth orës 14:30 në fshatin Llugë të Podujevës, raporton Llapi.info
Sipas dëshmitarëve në këtë aksident kanë qenë të përfshira dy makina, me ç’rast edhe ka mbetur i lënduar një person.
Lëndimin e një personi për Llapi.info e kanë konfirmuar edhe nga Emergjenca e Podujevës. Nga atje kanë thënë se pas trajtimit i njëjti kishte lëndime të lehta.
Ndryshe, në këto ditë të fundit është rritur dukshëm numri i aksidenteve në Podujevë, ku gjatë ditës së djeshme në një aksident në fshatin Penuhë ka humbur jetën një 32-vjeçare./Llapi.info
