Një tjetër aksident trafiku ka ndodhur sonte në magjistralen Prishtinë – Podujevë, raporton Llapi.info.
Sipas dëshmitarëve që kanë dërguar pamje në Llapi.info, në këtë aksident që ka ndodhur në Lluzhan janë përfshirë dy vetura.
Përveç dëmeve materiale, nuk raportohet për persona të lënduar. Ekipet kompetente policore kanë dalë në vendin e ngjarjes dhe po hetojnë rastin.
Ndërkohë, Policia ka bërë të ditur se vetëm të dielën në nivel vendi kanë ndodhur 28 aksidente trafiku, prej të cilave 15 kanë përfunduar me persona të lënduar./Llapi.info
