Një aksident trafiku ka ndodhur sot rreth orës 14:00 në fshatin Peran të Podujevës, raporton Llapi.info.
Sipas dëshmitarëve që kanë dërguar pamje në Llapi.info, në këtë aksident janë përfshirë dy vetura, njëra ka përfunduar matanë rrugës e rrokullisur.
Në këtë aksident, përveç dëmeve materiale, raportohet edhe për dy persona të lënduar.
Në lidhje me këtë, Llapi.info është në pritje të informacioneve më të detajuara nga Policia e Kosovës.
Sipas statistikave ditore të PK-së, vetëm dje në Kosovë kanë ndodhur 37 aksidente, 13 prej tyre kanë rezultuar me persona të lënduar./Llapi.info
