Një aksident trafiku ka ndodhur sot rreth orës 12:30 në rrugën nacionale Podujevë – Prishtinë, përkatësisht te “Qershiat e Llapashticës”, raporton Llapi.info.
Sipas dëshmitarëve, të cilët kanë dërguar pamje në Llapi.info, në këtë aksident janë përfshirë dy vetura.
Sipas tyre, përveç dëmeve materiale, dyshohet se një person ka pësuar lëndime të lehta trupore. Llapi.info është në pritje të informacioneve më të detajuara nga Policia e Kosovës.
Ekipet policore kanë dalë në vendin e ngjarjes për t’i hetuar shkaqet e këtij aksidenti.
Policia e Kosovës ka bërë të ditur se vetëm dje në Kosovë kanë ndodhur 65 aksidente, prej tyre 22 kanë rezultuar me persona të lënduar./Llapi.info
