Një aksident trafiku ka ndodhur sonte rreth orës 21:00 në kilometrin e parë të magjistrales Podujevë – Prishtinë, raporton Llapi.info.
Sipas dëshmitarëve, të cilët kanë dërguar pamje në Llapi.info, në këtë aksident është përfshirë një vetura, e cila sipas tyre, është përplasur për anësore.
Nga kjo përplasje ka edhe persona të lënduar lehtë, teksa në vendin e ngjarjes kanë dalë ekipet policore dhe ato mjekësore.
Ndërkaq, vetëm dje në Kosovë kanë ndodhur 90 aksidente, prej tyre 33 aksidente kanë qenë me të lënduar, kurse 57 me dëme materiale./Llapi.info
