Një aksident trafiku ka ndodhur sot rreth orës 16:30 në magjistralen Podujevë – Merdare, raporton Llapi.info.
Në këtë aksident, sipas pamjeve që i ka siguruar Llapi.info, shihet se kanë qenë të përfshira dy vetura, të cilat kanë përfunduar jashtë rrugës kryesore.
Përveç dëmeve materiale, në këtë aksident kanë mbetur të lënduar dy persona. Se ka të lënduar për Llapi.info e kanë konfirmuar edhe nga Qendra Emergjente e Podujevës.
Llapi.info është në pritje të informacioneve më të detajuara edhe nga Policia e Kosovës.
Ekipet kompetente policore kanë dalë në vendin e ngjarjes dhe po hetojnë shkakun e këtij aksidenti.
Ndërkaq, sipas statistikave të Policisë së Kosovës, vetëm dje në Kosovë kanë ndodhur 65 aksidente, ku prej tyre 20 kanë rezultuar me persona të lënduar./Llapi.info
Më poshtë pamjet e siguruara nga Llapi.info:
