Një aksident trafiku ka ndodhur sonte rreth orës 19:00 në fshatin Shajkoc të Podujevës, raporton Llapi.info.
Në këtë aksident, sipas dëshmitarëve që kanë dërguar pamje në Llapi.info, janë përfshirë tri vetura, një prej të cilave ka ikur nga vendi i ngjarjes.
Sipas dëshmitarëve, nga ky aksident ka edhe persona të lënduar.
Ekipet policore dhe ato mjekësore kanë dalë në vendin e ngjarjes për t’i hetuar shkaqet e këtij aksidenti.
Ndërkohë, Llapi.info është në pritje të informacioneve më të detajuara nga Policia e Kosovës.
Sipas statistikave ditore të PK-së, vetëm dje në Kosovë kanë ndodhur 43 aksidente, prej tyre 15 kanë rezultuar me persona të lënduar./Llapi.info
