Një aksident trafiku ka ndodhur sot rreth ores 8:00 të mëngjesit në rrugën “Skënderbeu”, në Podujevë, afër qendrës tregtare ETC me ç’rast një person ka mbetur i lënduar, njofton Llapi.info.
Lajmin për portalin Llapi.info e ka konfirumar Komandanti i Stacionit Policior në Podujevë, Bekim Bislimi, i cili tha se në këtë aksident janë të përfshira dy vetura.
“Dy vetura janë të involvuara. Njësia jonë kryesore iu ka përgjigj rastit. Deri tani një person është lajmruar se ka pësuar lëndime.”- tha Bislimi për Llapi.info.
Bislimi bënë të ditur se personit të lënduar i është ofruar shërbimi në Qendrën Emrgjente në Podujevë dhe pastaj është dërguar në Qendrën Klinike Universitare të Kosovës në Prishtinë (QKUK) për trajtim të mëtutjeshme./Llapi.info
