Dyshja e Rapid Bucurestit, Albion Rrahmani dhe Ermal Krasniqi janë ftuar nga trajneri Franco Foda për ndeshjen miqësore gjatë muajit qershor.
Lajmin e ka bërë të ditur klubi rumun përmes rrjeteve sociale.
“Ermali dhe Albioni janë ftuar nga Kosova për ndeshjen miqësore kundër Norvegjisë së Haalandit”, shkruhet në njoftimin e klubit rumun
Kujtojmë që Rrahmani gjatë këtij sezoni me klubin e Rapidit në të gjitha garat shënoi 19 gola dhe bëri pesë asiste.
Në anën tjetër, Ermal Krasniqi shënoi gjashtë gola dhe bëri pesë asiste me dy skuadrat, Cluj dhe Rapid Bucurestit.
Kujtojmë që ndeshja e vetme miqësore e Kosovës gjatë muajit qershor zhvillohet me 5 qershor.
