Deputetja e Kuvendit të Kosovës, Albulena Haxhiu në një prononcim për aksionin e ndërmarrë sot nga Vetëvendosja në Podujevë ka thënë se përmes këtyre fotografive sipas saj, dëshmohet keqqeverisja lokale në Podujevë e cila udhëhiqet nga LDK-ja, shkruan Llapi.info.
“Qendra e LVV në Besianë ka ndërmarrë këtë aksion për të bërë transparente dhe sa më të dukura dështimet e udhëheqësisë të komunës së Besianës, gjegjësisht kryetarit Agim Veliu. Pra edhe përmes këtyre fotografive dëshmohet keqqeverisja lokale nga njerëzit të cilët janë në krye të komunës që udhëhiqet nga LDK” tha Haxhiu.
Më tej ajo ka shtuar se është e rëndësishme që qytetarëve tu bëhet e ditur se nga kush po udhëhiqet vendi.
“Unë jam e vetë dijshme se qytetart janë prekur nga dështimet e kësaj keqqeverisje por megjithatë është shumë e rëndësishme tu bëhet me dije se kush po udhëheqë me vendin”, tha ajo.
Sot në Podujevë është mbajtur një aksion nga LVV e cila përmes 28 fotografive të ekspozuara në qendër të qytetit ka paraqitur sipas saj, premtimet të cilat nuk janë realizuar nga Komuna e Podujevës. /Llapi.info
