Ambasadori i Kosovës në Bruksel, Agron Bajrami ka folur për samitin e djeshëm mes liderëve të Ballkanit Perëndimor dhe atyre të BE-së në Këshillin Evropian.
Bajrami ditën e djeshme e ka quajtur “shumë të mirë”, pasi që sipas tij Kosova ka ofruar të gjitha argumentet e nevojshme.
Me anë të një postimi në Twitter, të cilit ai ia ka bashkangjitur një fotografi me presidenten Osmani, Bajrami ka thënë se Kosova ka ofruar të gjitha argumentet e nevojshme dhe se tani Kosova e pushon çështjen e vet.
Kjo për shkakun se siç tha Bajrami, tani duhet të pritet verdikti i BE-së.
“Të enjten me presidenten Osmani në takimin e liderëve të Ballkanit Perëndimor dhe atyre të BE-së në Këshillin Evropian. Ishte një ditë e gjatë, por plot ngjarje dhe në fund të fundit shumë e mirë. Kosova ka paraqitur të gjitha argumentet e nevojshme. Tani e pushojmë çështjen tonë. Presim verdiktin e BE-së për liberalizimin e vizave”, ka shkruajtur ai.
Thursday with @VjosaOsmaniPRKS at #EU – #WB leaders meeting, at @EUCouncil. It was a long, but eventful and ultimately very good day: #Kosovo has provided all arguments necessary. We now rest our case. And wait for EU verdict.#VisaLiberalisation pic.twitter.com/Ini5Bgnw3z
— Agron Bajrami (@AgronBajrami) June 23, 2022
