Policia e Kosovës ka zhvilluar një aksion në Zubin Potok, ku janë gjetur uniforma, municion dhe pajisje tjera ushtarake.
Operacioni u krye nga Njësia e Antidrogës me autorizim të Prokurorisë Themelore Mitrovicë, në kërkim të personit të dyshuar lidhur me rastin e laboratorit të drogës në fshatin Qukiq të Zubin Potokut.
“I dyshuari nuk është gjetur në lokacionin ku dyshohej se mund të jetë, mirëpo në pronën e tij gjegjësisht në mal në një vend të mbuluara me dhe janë gjetur uniforma dhe pajisje tjera ushtarake.
Në vendin e ngjarjes është thirrë njësia e specializuar respektivisht njësia për trajtimin e mjeteve eksplozive, ku gjatë kontrollit edhe në 3 (tri) vende tjera të groposura janë gjetur dhe sekuestruar pajisje të ngjashme.
Dëshmitë të cilat janë gjetur dhe janë marrë nga Policia janë:
– Uniformë ushtarake
– Pjesë të pushkëve të gjata
– Jelek taktik
– Gas maska
– Një tytë e pistoletës,
– Një palë pranga dhe
– 1471 fishekë të kalibrave të ndryshëm” – njoftoi Policia.
