Përfaqësues të Partisë Socialdemokrate kanë protestuar sot para Stacionit të Policisë së Kosovës në qendër, duke shkruar në murin e këtij objekti “Për partitë tubime, për qytetarët dënime”.
Me këtë rast ka pasur konfrontim ndërmjet aktivistëve të PSD-së dhe pjesëtarëve të policisë, të cilat kanë përfunduar me arrestime të disa aktivistëve të kësaj partie, numri i saktë i të cilëve ende nuk dihet.
Lexo Edhe:
Këta janë 13 aktivistët e PSD-së që u arrestuan nga policia
Ndërkohë, në disa pamje të publikuara, shihet se është arrestuar në mënyrë të dhunshme kryetari i PSD-së, Dardan Molliqaj.
Nol Nushi nga PSD-ja ka thënë se nuk janë këtu për të protestuar kundër tubimeve politike, por për të protestuar kundër padrejtësisë që po u bëhen qytetarëve të Kosovës.
