Prokuroria Themelore në Prizren ka njoftuar se është arrestuar A.H, djali i Suada e Durim Hadrit, çiftit të vrarë para pak kohësh në Prizren, shkruan Insajderi.
I dyshuari për vrasjen e prindërve të tij, është arrestuar në Suedi.
Nga Prokuroria është bërë e ditur se do t’i ndërmarrë të gjitha veprimet e nevojshme në bazë të Ligjit për Bashkëpunim Ndërkombëtar, dhe do të paraqesë kërkesë për ekstradim.
Njoftimi i plotë:
Prokuroria Themelore në Prizren, njofton opinionin se sot me datë 03.03.2020 është arrestuar A.H., i dyshuar për vrasjen e prindërve të tij në lagjen “Ortakoll” në Prizren. I njëjti, është arrestuar në Suedi nga autoritetet suedeze, në bazë të urdhër arrestit ndërkombëtar të Prokurorisë Themelore në Prizren.
Prokuroria Themelore në Prizren, njofton se do t’i ndërmarrë të gjitha veprimet e nevojshme në bazë të Ligjit për Bashkëpunim Ndërkombëtar, dhe do të paraqesë kërkesë për ekstradim.
