Presidenti i Shteteve të Bashkuara të Amerikës, Joe Biden ka bërë edhe njëherë të qartë se do të mbrojnë çdo pëllëmbë të territorit të NATO-s.
Përmes një cicërime në Twitter tha se ata nuk do të luftojnë kundër Rusisë në Ukrainë, pasi thotë se kjo do të çojë në Luftën e Tretë Botërore, raporton CNN.
Ai shtoi se duhet të përpiqen që të parandalojnë një konfrontim të drejtpërdrejtë të NATO-s dhe Rusisë e cila shpie në një Luftë të Tretë Botërore.
“Dua të jem i qartë: ne do të mbrojmë çdo pëllëmbë të territorit të NATO-s me fuqinë e plotë të një NATO-je të bashkuar dhe të galvanizuar. Por ne nuk do të luftojmë kundër Rusisë në Ukrainë. Një konfrontim i drejtpërdrejtë midis NATO-s dhe Rusisë është Lufta e Tretë Botërore. Dhe diçka që duhet të përpiqemi ta parandalojmë”, shkroi Biden.
