Anija “Ever Given” 400 metra e gjatë, e cila u pozicionua keq dhe bllokoi kanalin e Suezit, një nga pikat më të rëndësishme tregtare në botë në datën 23 Mars, po i shkakton humbje kolosale kompanive të tregtisë në mbarë botën.
Çdo orë që vonohet zhbllokimi i kanalit 400 milion euro mall zhvlerësohet ose skadohet dhe shumë tarifa të tjera vonesash dhe sigurimesh shtohen.
Sipas kalkulimeve të bëra nga autoritet dëmi i shkaktuar është plot 9.6 miliard dollarë në total për çdo ditë. Më alarmant është fakti se për shkak të masivititetit të anijes së mallrave “Ever Given” (224.000 ton, një prej anijeve tregtare më të mëdha të botës) ishte parashikuar se do të duheshin me javë të tëra për ta zhbllokuar kanalin. Por, sipas sipërmarrjes së logjistikës të lundrimit GAC me anë të përpjekjeve eskavatorëve, por edhe lëvizja e favorshme e zbaticave mund të bëjë që brenda fillimit të javës që vjen të mund të ketë zhbllokim të tij.
Kujtojmë se Kanali i Suezit lidh detin Mesdhe me detin e Kuq, duke qenë kështu segmenti kyç që lejon tregtinë mes kontinentit europian dhe atij aziatik. Brenda një viti përmes këtij kanali lundrojnë rreth 18.000 anije tragtare, ose 13% e të gjithë volumit të tregtisë botërore.
Bllokimi i këtij kanali ka detyruar anijet të marrin rrugën e gjatë përreth kontinentit Afrikan, por kjo është një sipërmarrje e rrezikshme dhe me kosto. Shpenzimet për të bërë këtë rrugëtim janë më të mëdha dhe udhëtimi zgjatet disa ditë, ndërkohë që këto zona kanë edhe piratë që rrezikojnë sigurinë e anijeve dhe mallrave që transportohen në to.
