Kandidati i Lëvizjes Vetëvendosje për kryetar të komunës së Podujevës, Shpejtim Bulliqi, është optimist se do të dalë fitues në zgjedhjet e jashtëzakonshme në këtë komunë.
Në emisionin “DPT te Fidani” në T7, ai ka trguar arsyet që e bëjnë të besojë se ‘ka ardhur koha e ndryshimit”.
Bulliqi mendon se tashmë Ministri i Punëve të Brendshme, Agim Veliu, theu besimin e qytetarëve duke i lënë ata për ‘apetite individuale”.
“Me marrjen e detyrës së re në Prishtinë ai i ka shkaktuar dëm të madh Podujevës dhe qytetarëve të Llapit pasi projektet e premtuara mbetën në gjysmë, mbeti anash kërkesa dhe nevoja e qytetarëve”, shtoi Bulliqi.
“Asnjë prej kërkesave etike të qytetarëve nuk janë realizuar. Ne si VV do t’i fitojmë zgjedhjet në Podujevë”, tha Bulliqi.
‘Llapjanët janë lodhur nga keqqeverisja e LDK’së”, u shpreh Bulliqi.
Ai ka shpjeguar se vendimi që ai të synonte karrigen e të parit të kësaj komune u mor nga partia e tij, ku ai mori votëbesimin.
Zgjedhjet e jashtëzakonshme në Podujevë do të mbahen më 15 mars, pasi kryetari i deritanishëm, Agim Veliu, u zgjodh Ministër i Punëve të Brendshme.
