Pas akuzave të kryeministrit Haradinaj se LDK po punon kundër liberalizmit të vizave dhe kundërpërgjigjes së nënkryetarit të LDK-së, Lutfi Haziri, në këtë debat është përfshirë edhe zv/ministri Gjergj Dedaj.
Dedaj përmes një postimi në Facebook, ka thënë se liberalizimin e vizave e arrijnë institucionet e Kosovës në bashkëpunim me Bashkimin Evropian, e jo LDK-ja.
Postimi i plotë i Dedajt:
“Jo Lute, LDK nuk mund ti sjelle vizat!
-Vizat i arrijne institucionet e Kosoves me institucionet e Bashkimit Europian!
Partite politike te Kosoves, nuk mund t’a bejne liberalizimin e vizave, ato mund ta ndihmojne dhe lehtesojne kete proces, te grupimet simotra politike te Europes, nese kane bashkepunim dhe jane te antarsuara, siq e bene PLK brenda grupit te ALDE, tani e 25 vite!
Liberalulizimin e vizave e arrijne institucionet shteterore te Republikes se Kosoves ne koordinim me institucionet e Bashkimit Europian!
Prandaj, vizat nuk i sjelle as LDK dhe as PLK !” (sic.), ka shkruar Dedaj.
Haradinaj në një intervistë për RTK të shtunën ka thënë se dyshon që LDK po dërgon mesazhe jo të mira për Kosovën në Evropë sa i përket liberalizimit të vizave.
Ndërsa, nënkryetari i LDK-së, Lutfi Haziri i ka thënë Haradinajt se “pengesat i ke brenda qeverisë dhe partner e tuaj qeverisës. Aty kërkoje fajtorin e agjendën shtetformuese dhe integrimet euroatlantike”.
