Periskopi ka zbulur detaje të reja nga vrasja e policit Muhamed Lika në Kaçanik.
Siç ka mësuar Periskopi nga burime të mirinformuara vrasja ka ndodhur në një moment kur një i mitur ishte duke tentuar që të kryente një grabitje dhe në momentin kur polici është ndeshur në të dyshuarin, ai ka shtënë në të.
I mituri kishte një revole me vete me të cilën dyshohet se kreu vrasjen.
Zëdhënësi i Policisë për rajonin e Ferizajt mbrëmë për media bëri të ditur se në vendngjarje kanë arritur njësitë policore dhe ekipi i emergjencës, i cili ka transportuar viktimën në Qendrën e Mjekësisë në Kaçani, pavarësisht përpjekjeve për t’i dhënë ndihmën e nevojshme, pjesëtari i Policisë ka ndërruar jetë, gjë që është konfirmuar nga mjekët. “Policia ka nisur hetimet për të zbardhur rrethanat e ngjarjes, ndërsa ende nuk ka informacione lidhur me të dyshuarit apo motivet e mundshme të këtij akti”, ka bërë të ditur ai.
Prokuroria Themelore në Ferizaj ende s’është deklaruar lidhur me rastin.
