Deputeti i Kuvendit të Kosovës nga radhët e Partisë Demokratike Andin Hoti, ka ndarë një dedikim urimi për babain e tij të zhdukur, veprimtarin e shquar Ukshin Hoti.
I biri i tij Andini thotë se ai sot gëzon ditëlindjen ndërsa ka ndarë dhe një fotografi teksa gjendet pranë një përmendoreje të Ukshin Hotit.”Gëzuar ditëlindjen Ukshin Hoti! Ti do t’kesh vetëm datëlindje përjetësisht!”, është shprehur i biri i tij Andini.
Po të ishte në mesin e familjarëve, veprimtari i njohur Ukshin Hoti do të gëzonte datëlindjen e 75-të.Historia e zhdukjes së Ukshin Hotit mbetet e mistershme. Njeriu që punoi shumë për filozofinë e çlirimit të Kosovës, i përndjekur vazhdimisht nga forcat jugosllave, prej majit të vitit 1999, ka humbur gjurmët.
