Erduan Sadiku, 20 vjeçari që u aksidentua me motoçikletë në Shipol të Mitrovicës, nuk i kishte përballuar plagëve të marra.
Sadiku kishte ndërruar jetë në Spitalin e Qendrës Klinike Universitare në Prishtinë.
Sipas njoftimeve, Erduani ndodhej në Kosovë për pushime, pasi ai jetonte në shtetin skandinav të Suedisë.
Familjarët e tij përmes një njoftimi kanë bërë të ditur, se varrimi do të bëhet sot.
Postimi i plotë:
Të Allahut jemi, dhe vërtetë tek Ai do të kthehemi!
Të nderuar familjarë e miq,
Ju njoftojmë se me datë 12.04.2022 ka ndërruar jetë Erduan(Safet) Sadiku pas një aksidenti të rëndë rrugor.
Lusim Zotin e Madhërishëm në këtë muaj të Bekuar të Ramazanit ta ketë mëshiruar dhe në xhenetet e Tij ta gradoj.
Varrimi i të ndjerit bëhet sot me datë 13.04.2022 në varrezat e qytetit të Mitrovicës – Shipol me namazin e Ikindisë(ora16.22).
