Një aksident i rëndë trafiku ka ndodhur dje pasdite në fshatin Kopiliq të Skenderajt, ku u godit për vdekje një këmbësor.
Sinjali ka mësuar se viktima është Hamit Shala rreth 75-vjeçar, i cili nuk mundi t’iu bëjë ballë plagëve dhe fatkeqësisht humbi jetën.
Lajmin e ka konfirmuar edhe Policia e Kosovës, ku thanë se me urdhër të prokurorit, trupi i pajetë i viktimës është dërguar në IML për obduksion.
“Rreth orës 17:00, është raportuar për një aksident trafiku me pasojë fataliteti i shkaktuar në fshatin Kopiliq të Skenderajt.
Në aksident janë përfshirë një veturë dhe një këmbësor, ku si pasojë e lëndimeve të pësuara ka humbur jetën këmbësori i moshës rreth 75 vjeçar.
Njësitet përkatëse policore kanë dalë në vendngjarje dhe po zhvillojnë hetimet për aksidentin, ndërsa me urdhër të prokurorit trupi i pa-jetë i viktimës dërgohet në Institutin e Mjekësisë Ligjore për obduksion.”
