Mujë Shala është kryetari i ri i degës së Lëvizjes Vetëvendosje në Zvicër, transmeton Llapi.info.
“Aktivistet dhe aktivistët e VETËVENDOSJE!-s në Zvicër, përmes votimit të drejtpërdrejtë zgjodhën kryetarin e tyre.”- thuhet në njoftimin e VV-së.
Mujë Shala është nga fshati Konushec, komuna e Podujevës, ekonomist i diplomuar në Universitetin e Prishtinës në vitin 2004 ndërsa në vitin 2011 ka diplomuar në Universitetin e Gjenevës në Zvicër.
Lëvizja Vetëvendosje Shalan e cilëson si njërin ndër aktivistët më të zellshëm dhe të përkushtuar të Lëvizjes në diasporën shqiptare./Llapi.info
