Ministri i Jashtëm serb, Ivica Daçiq, gjatë ditës së djeshme deklaroi se një shtet i BE-së dhe anëtar i përhershëm i OKB-së do të dërgojë notë proteste ndaj çdo shteti që tërheq njohjen e pavarësisë së Kosovës, mirëpo nuk specifikoi emrin e atij vendi.
E gjatë ditës së sotme, “Vecernje Novosti”, duke i’u referuar burimeve të veta, shkruan se shtetet në fjalë janë Franca dhe Britania e Madhe, transmeton lajmi.net.
“Shtetet të cilat e kanë njohur pavarësinë e Kosovës dhe që në të ardhmen do të tërheqin atë, do të përballen me notë proteste nga Franca”, shkruan kjo gazetë.
Madje aty shkruhet edhe se Londra zyrtare po kërkon anulimin e seancave të Këshillit të Sigurimit për Kosovën, ose reduktimin e tyre në nivel të konsultimeve të mbyllura.
Ndryshe, Daçiq kishte deklaruar dje se përfaqësuesit e shtetit në fjalë, sipas tij i kishin thënë delegacionit të Serbisë në Nju Jork, se qasja e diplomacisë serbe ndaj shteteve të cilat e kanë njohur pavarësinë e Kosovës është ‘irrituese’.
