Anëtari i kryesisë së partisë Socialdemokrate, Frashër Krasniqi, me anë të një postimi në Facebook ka bërë të ditur vizitën e tij në Komunën e Podujevës, njofton Llapi.info.
Me këtë rast, Krasniqi ka vizituar banorë të fshatit Gllmanik.
“Shtëpi për shtëpi, për Kosovën 100% shtet. Gllamnik, Podujevë”, ka shkruar ai.
Ndryshe, ditë më parë është nënshkruar koalicioni parazgjedhor ndërmjet Aleancës për Ardhmërinë e Kosovës dhe Partisë Socialdemokrate. Ky bashkëpunim i tyre ka ardhur pas shumë bisedimeve ndërmjet dy partive.
Lideri AAK-së, Ramush Haradinaj, pas nënshkrimit të marrëveshjes e falënderoi Shpend Ahmetin për mbështetjen që ia dha në formimin e ushtrisë.
Ai shtoi se gjatë kësaj kohe kanë pasur edhe arsye për t’u sharë, por momenti i Ushtrisë i ka tejkaluar të gjitha.
Ndërsa, Shpend Ahmeti pati thënë se “AAK-në e kanë quajtur parti të haraçit për shkak të bashkëpunimit që kanë pasur me PAN”.
Duke i tejkaluar gjërat e të kaluarës ata janë bërë bashkë siç thonë për koalicion të fitores./Llapi.info
