Dhjetëra shteteve që kanë reaguar për konfliktin mes Izraelit dhe Hamasit iu është bashkuar edhe Kosova, duke i dalë në mbrojtje Izraelit.
Nga Ministria e Punëve të Jashtme, përmes një shkrimi në Twitter kanë thënë se si çdo shtet edhe Izraeli ka të drejtën dhe detyrimin për të mbrojtur popullin e tij kundër 2 mijë raketave të qëlluara mbi civilët nga Hamasi.
“Si çdo shtet # Izraeli ka të drejtën dhe obligimin për të mbrojtur popullin e tij kundër 2000 raketave të qëlluara mbi civilët vetëm nga Hamasi, i cili po mban peng civilët palestinezë në luftën e tij. Ne vajtojmë të gjitha viktimat. Ne kërkojmë që të përmbahemi, të ndalojmë dhunën dhe të kërkojmë zgjidhje paqësore”, thuhet në shkrimin e kësaj ministrie.
Pas këtij reagimi, ka shkruar edhe ish-këshilltari i kryeministrit të Kosovës, Albin Kurtit, e njohësi i çështjeve politike, Shkëlzen Gashi.
Përmes një shkrimi në Facebook, Gashi ia ka kujtuar Vetëvendosjes një komunikatë të vitit 2014-të, ku të njejtit kishin reagur “kundër dhunës dhe masakrave mbi palestinezët në rripin e Gazës”.
“KUJDES! ËSHTË E VITIT 2014”, ka shkruar Gashi në profilin e tij.
