Ish-zëvendësministri i Pushtetit Lokal, Bajram Gecaj, ka përshëndetur bllokimin që iu bë sot Kadri Veselit për të vizituar futbollistët e klubit Llapi në zhveshtore.
Ai ka thënë se një bllokim të tillë duhet t’i bëhet në të gjitha anët PDK-së, ish-partnerit të partisë së Gecajt.
“U LUMTË LLAPJANË
‘Nexhat Dumnica, i cili është edhe anëtar i këshillit të përgjithshëm të LDK-së dhe kandidat për deputet, nuk e lë Veselin të depërtojë për në zhveshtoren e klubit ‘Llapi’.” U lumtë Llapjanë…ne të tjerët, anë e kënd Kosovës, duhet të marrim mësim nga Nexhat Dumica dhe t’i bëjmë një BLLOK të madh PDK-së!”, ka shkruar ai në Facebook.
