Ministrja e Jashtme e Gjermanisë, Annalena Baerbock tha se është gabim nëse ndalen ndihmat për palestinezët.
“Miliona njerëz, duke përfshirë shumë fëmijë, në territoret palestineze, varen nga ne për ushqim, ujë dhe ilaçe”, deklaroi ajo.
Deklarata e saj vjen pasi Komisioneri Evropian për Fqinjësinë dhe Zgjerimin, Oliver Varhelyi tha të hënën se ndihma e BE-së nuk do të vazhdojë më.
Ndërsa Spanja, Portugalia, Luksemburgu dhe Irlanda thanë se ndihma humanitare për Palestinën duhet të vazhdojë, raporton Al Jazeera.
