Një çiklist është goditur nga vetura këtë pasdite në Podujevë te rrethrrotullimi në rrugën “Afrim Zhitia dhe Ilir Konushevci”, raporton Llapi.info
Sipas dëshmitarëve, një veturë e tipit ‘Golf 2’ ka goditur çiklistin derisa i njëjti ishte në lëvizje.
Rastin për Llapi.info e kanë konfirmuar edhe nga Emergjenca e Podujevës. Nga atje kanë thënë se viktima është dërguar për tretman mjekësor në QKUK.
“Nga aksidenti në fjalë një person ka qenë i lënduar. Lëndime kishte në kokë dhe pas tretmanit mjekësor në Emergjencë i njëjti është dërguar në QKUK të Prishtinës”, kanë thënë nga Emergjenca.
Llapi.info ka provuar të kontaktojë edhe me zyrtarë në Policinë e Podujevës, por deri në momentin e publikimit të lajmit ka qenë e pamundur.
Ndërkohë, Policia e Kosovës vazhdimisht është duke bërë apel që të gjithë pjesëmarrësit të kenë kujdes të shtuar në trafik./Llapi.info
