Ballina Lajmet Haradinaj: Do t’i ruajmë vendet e punës të humbura në pandemi

Haradinaj: Do t’i ruajmë vendet e punës të humbura në pandemi

23/01/2021

Kreu i AAK-së, Ramush Haradinaj, në prag të zgjedhjeve është takuar me përfaqësues të Odës së Hotelierisë dhe Turizmit të Kosovës.

Atyre iu premtoi se viti 2021 do të jetë vit i sektoreve të gorditur nga pandemia, përfshirë edhe ata që humbën punën për shkak të saj, njofton Klan Kosova.

“Bashkëbisedim përmbajtësor me përfaqësues të Odës së Hotelierisë dhe Turizmit të Kosovës. Dëgjova kërkesat legjitime të tyre, që Aleanca i ka përfshirë në programin e saj, konkretisht në Fondin e Ringjalljes Ekonomike”.

“U zotova se viti 2021 do të jetë vit kur të gjitha sektoret e goditura ekonomikisht, do të ndjejnë dorën e shtetit. Do të ruajmë vendet e punës, të humbura gjatë krizës pandemike e do të stimulojmë edhe hapjen e vendeve të reja”.

“Programi i Aleancës ka paraparë ndihmë për biznese në formë të kredive të buta, ndihmë për qytetarët në formë të transfereve dhe lehtësira fiskale për biznese dhe qytetarë. Aleanca vazhdimisht ka qenë në përkrahje të kërkesave të gastronomëve. Ashtu edhe do të vazhdojmë së bashku!”.