“Shpallja qytetar nderi i Komunës së Drenasit, sot nuk e nderon vetëm zotin Rainer Wieland, por na nderon gjithë neve si Kosovë. Kosovarët kanë respekt të madh për popullin gjerman dhe përveç kësaj ne jemi evropian”, kështu tha kryeministri Ramush Haradinaj në ceremoninë e shpalljes “Qytetar Nderi i Komunës”, për zëvendës presidentin e Parlamentit Europian, Rainer Wieland nga kryetari i Komunës së Drenasit, Ramzi Lladrovci.
Me këtë rast kryeministri Haradinaj tha se ne i takojmë familjes europiane dhe ndarja e këtij çmimi dhe ardhja e z. Wieland këtu ka rëndësi të madhe për ne, njofton Klan Kosova.
