Kryeministri Ramush Haradinaj, në interpelancën e thirrur nga Vetëvendosje lidhur me korrupsionin dhe krimin e organizuar, ka paraqitur një planë të organeve kompetente për hapat që do të ndërmerren nga institucionet përkatëse.
Ai ka thënë se ky raport u është prezantuar edhe zyrtarëve ndërkombëtarë që kanë qenë për vlerësim të kushteve për liberalizim të vizave.
“Ju sigurojë se ky dokument nuk është bërë për të mashtruar BE-në e as qytetarët, por paraqet gjendjen reale”, ka thënë Haradinaj, transmeton lajmi.net.
Megjithatë, ai e ka pranuar se luftimi i krimit të organizuar dhe korrupsionit është sfidë për Kosovën, dhe ka thënë se gjendja aktuale nuk është mirë.
Por, Haradinaj ka thënë se ka ndryshim pozitiv në krahasim me qeveritë e kaluara.
Ndërsa, deputetja e Vetëvendosjes në fjalën e saj si inicuese e kësaj interpelance ka thënë se kryeministri Haradinaj nuk e ka guximin e as vullnetin për ta luftuar korrupsionin.
Ajo ka përmendur gjendjen në PTK, kontratën me Z-mobile, dhe aktakuzat ndaj disa ministrave.
