Shefi i grupit parlamentar të LDK-së, Avdulla Hoti duke folur për procesin e dialogut me Serbinë, ka thënë se asnjë marrëveshje e cila cenon Kushtetutën e Kosovës, nuk do të jetë e pranueshme.
Hoti madje ka thënë se ata që po bëjnë negociata të fshehta dhe pa mandate do të përballen me refuzim popullor, transmeton lajmi.net.
Ky është postimi i Hotit
Republika e Kosovës, me aranzhimin e saj kushtetues bazuar në Planin e Ahtisarit, është e arritura më sublime e nacionalizimit shqiptar dhe kompromisi që kemi bërë për paqe në rajon.
Çdo marrëveshje me Serbinë që e cenon këtë arritje dhe funksionalitin e Republikës, duke bërë ri-aranzhime kushtetuese, do të jetë e pa pranueshme.
Ata që po bëjnë negociata fshehtas dhe pa mandat le ta dinë se do të përballen me refuzim popullor.
