Armatimet e së ardhmes kanë mbërritur në të tashmen. Dhe të parët që i prvojonë këto risi teknologjike janë trupat e marinës amerikane. Në kampin stërvitor “Pendleton”, në Kaliforni u mbajt stërvitja e armatimeve “high-tech” për luftimet urbane dhe detare.
Me këto pajisje të teknologjisë së fundit, rreth 180 marinsa kryen 10 simulime betejash dhe të paktën nga fotot, duken të kënaqur me ato që kanë mbajtur në duar. Dronë të vegjël, syze me ekran për lexim informacioni, pushkë “smart” dhe mjete autonome nga Tesla, janë disa nga shpikjet për të cilat marinsat duhet të japin aprovimin e tyre para se të përdoren në beteja të vërteta, shkruan TCH.
