Kjo video e mëposhtme është realizuar dy ditë më parë në magjistralen Podujevë – Prishtinë, shkruan Llapi.info.
Autoblinda të shumta janë dërguar drejt kufirit me Serbinë (nga pjesa e Podujevës) për të vëzhguar pjesën kufitare.
Kjo u bë e ditur edhe në një postim zyrtar të KFOR’it para disa orësh.
Komandanti i KFOR-it gjeneralmajor Ozkan Ulutas, u takua dje me personelin e KFOR-it të kontingjentit turk të caktuar në Batalionin Rezervë Operacional, përgjatë vijës kufitare me Serbinë.
Në njoftimin e KFOR-t thuhet se “Komandanti i misionit KFOR të udhëhequr nga NATO, gjeneralmajor Özkan Ulutaş, u takua sot me personelin e KFOR-it të kontingjentit turk të caktuar në Batalionin Rezervë Operacional, përgjatë vijës kufitare administrative”.
“Njësitë e Batalionit Rezervë Operacional kryejnë patrulla të rregullta të montuara dhe të çmontuara në zonë për të garantuar lirinë e lëvizjes dhe një mjedis të sigurt dhe të sigurt për të gjitha komunitetet lokale”, thuhet në njoftimin e KFOR-it, të postuar në ‘Facebook’.
